الطريقة الصحيحة لقياس الضغط

¤ من الضروري مريض الضغط يعمل متابعة لقياس الضغط بشكل مستمر.. لحتى يعرف إذا الأدوية عم تعطي الفعالية المطلوبة أو لا.. ولازم يكون على تواصل مع الطبيب ولهالسبب حبينا نُذكر بعض التعليمات الضرورية يلي لازم المريض ينتبه عليها خلال القياس.

• أول شي لازم تتجنب تقيس الضغط بالذراع يلي فيها وذمة لمفية متل حالة مرضى سرطان الثدي وبهالحال لازم تستخدم الذراع التانية.  

• لازم تعرف إنو الضغط بيتأثر بحال التدخين وممارسة الرياضة أو أي نشاط جسدي أو شرب الكافئين أو أي منبه… وكل هودي ممكن تعطي نتيجة قراءة غلط لأن بتسبب رفع الضغط.. لهيك لازم تنطر نص ساعة قبل القياس.

  

• وضعية الجلوس لمدة خمس دقايق عالأقل قبل القياس مع دعم الظهر.

• تخلي الذراع ع مستوى القلب.

  

• تحاول ما تخلي شي يضغط عالذراع متل الملابس.

  

• ضروري تنتبه إنو لازم ما تحكي خلال القياس.

  

• وأخيراً لازم تكرر القياس مرتين لحتى تاخد النتيجة الصح.